Poetries of Dr. Azeez Nizami Sb.

Har roz ek na ek zid hai nayi zabaan par,

Tang aa gaye ham dil-e-khana kharab se.

Maloom bhi nahi jinhe adab-e-zindagi,

Karte hain nukta chini wo ahl-e-kitab se.

Bahar jo aAj dekh liya hai hijab se,

Suraj laraj raha hai tumhare shabab se.

Pehchan manzilon ki hamare nishan se hai,

Puchho hamara naam mah-o-aftab se.

Duniya ne bhi usi ka wahi naam rakh diya,

Tumne jise nawaz diya jis khitab se.

 

Hum to hain ahal-e-junoon mazhab hamara ishq hai,

Aap hain ahal-e-khirad, anjaam ki baten karen.

 

Bahut majbur hokar hum kinara kash hue tujhse,

Hazaron dekh li aye dost tujh me khamiyan humne.

 

Suraj ke sath doob gaya dil darakht ka,

Laute nahi parinde kyun ab tak udaan se.

 

Zindagi ka zahar har koi nahi pee sakta,

Yad-e-mazi ka qaram hai ki sabhi zinda hain.

 

Tera koi bhi chahne wala nahi hai,

Tere husn par sab fida ho rahe hain.

 

Aye waqt ke yazeed zara mud ke dekh le,

Sailab-e-gham ki zad me tera ashiyan na ho.

 

Kaise karun yaqin meri dosti ke baad,

Deewangi ka daur yahan ho, wahan na ho.

 

Hamrah kooch karna koi falsafa nahi,

Jis karwan-e- gham ka koi pasban nahi.

 

Main agar mahroom dastar-e-fajilat hoon to kya,

Mere kandhe par hai jo wo mera sar to hai.

 

Lad raha tha mujhse mera bhai kal be bat par,

Aur shayad bheed ko iski khabar pehle se thi.

 

Kiye marhamat jo ghao mere doston ne mujhko,

Na ‘AZEEZ’ mujhse pooch, meri rooh kanpti hai.


 

Rayegan jayenge hargiz na kabhi ashk ‘AZEEZ’,

Zulmat-e-shab me bhi chamkenge ye jugnu tere.

 

Fail kar ban jaunga ek din samandar ka hareef,

Main abhi simta hua taqdeer ke sagar me hoon.

 

Ek main kotaah qad tha unki mehfil me ‘AZEEZ’,

Is liye mere alawa aur sab ke sar gaye.

 

Sunte hain ke mil jati hai har cheez dua se,

Ek roz tumhe mang kar dekhenge khuda se.

 

Lamha wo zindagi ka kitna haseen tha,

Dil ki kali khili thi jab unse nazar mili.

Zindagi kat gayi tariqiyon ke jangal me,

Mulk-e-adam me dekhiye ham ko sahar mili.

 

Aag apne hi laga sakte hain,

Ghair to sirf hawa dete hain.

Jism se rooh juda karke ‘AZEEZ’

Log jeene ki saza dete hain.

 

Ye shahar-e-sang hai, behtar koi jaye aman rakhna,

Himakat hai yahan khushrang shishe ka makan rakhna.

 

Wo jiski zaat-e-aqdas chashm-e-husn-e-balagat,

‘AZEEZ’ uske hi ziqr-e-khair se roshan zaban rakhna.

 

Kisne chooma hai apne chehre ko,

Aaine par nishaan baqi hai.

 

Tumhari baat rad kar sakte hain ye mumkin hai,

Kisi ke rubaru ye soch kar apna bayan rakhna.

 

Tajarbon ne diya hamko ye sabaq aye ‘AZEEZ’,

Kamyabi ke liye nakam hona chahiye.

 

Mahir jo the asaar-e-qadima ke thak gaye,

Muddat ke baad dekhiye unki khabar mili.

 

Apno ne di hai daad-e-mohabbat kuch is tarah,

Ab dushmano se koi shikayat nahi rahi.

 

Qadam peeche na hat jayen, na himmat haar baithe ham,

Lab-e-sahil jala dali hain, apni kashtiyan hamne.

 

Nahi ab apke bas me chaman ki rehnumayi hai,

Chaman me aap aye hain ghamon ki andhiyan lekar.

 

Admi naam hai us begunah qaidi ka,

Jisne jeene ki saza bhi kya khoob nibhayi hai.

 

Udasi naam hai us ehsas ke kho dene ka,

Jise pane me ek umr guzar jati hai.

 

Mere har sajde pe unko pyar sa ata raha,

Bandgi ka zauke napukhta bhi kaam aa hi gaya.

 

Hosh walon ne bachakar jisko rakha tha ‘AZEEZ’,

Wo hi daman aj deewano ke kaam aa hi gaya.

 

 

By,

 

Dr. Azeez Ahmad Nizami

Advertisements
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: