Mere liye tum kaun ho…

​Kaise bataoon main tumhe

Mere liye tum kaun ho, kaise bataoon

Kaise bataoon main tumhe

Tum dhadkanon ka geet ho

Jeevan ka tum sangeet ho

Tum zindagi, tum bandagi

Tum roshni, tum taazgi

Tum har khushi, tum pyaar ho

Tum preet ho, manmeet ho

Aankhon mein tum, yaadon mein tum

Saanson mein tum, aahon mein tum

Neendon mein tum, khwaabon mein tum

Tum ho meri har baat mein

Tum ho mere din raat mein

Tum subah mein, tum shaam mein

Tum soch mein, tum kaam mein

Mere liye pana bhi tum

Mere liye khona bhi tum

Mere liye hansna bhi tum

Mere liye rona bhi tum

Aur jagaana sona bhi tum

Jaaoon kahin, dekhoon kahin

Tum ho wahan, tum ho wahin

Kaise bataoon main tumhe

Tum bin to main kuchh bhi nahi

Kaise bataoon main tumhe

Mere liye tum kaun ho

Yeh jo tumhara roop hai

Yeh zindagi ki dhoop hai

Chandan se tarsha hai badan

Behti hai jismein ik agan

Yeh shokhiyaan, yeh mastiyaan

Tumko hawaon se mili

Zulfein ghataon se mili

Hothon mein kaliyan khil gayi

Aankhon ko jheelein mil gayi

Chehre mein simti chandni

Awaaz mein hai ragini

Sheeshe ke jaisa ang hai

Phoolon ke jaisa rang hai

Nadiyon ke jaisi chaal hai

Kya husn hai, kya haal hai

Yeh jism ki rangeeniyan

Jaise hazaaron titliyan

Baahon ki yeh golaiyan

Aanchal mein yeh parchhaiyan

Yeh nagariya hai khwaab ki

Kaise bataoon main tumhe

Haalat dil-e-betaab ki

Kaise bataoon main tumhe

Mere liye tum kaun ho, kaise bataoon

Kaise bataoon

Kaise bataoon main tumhe

Mere liye tum dharm ho

Mere liye imaan ho

Tumhi ibadat ho meri

Tumhi to chahat ho meri

Tumhi mera armaan ho

Takta hoon main har pal jise

Tumhi to woh tasveer ho

Tumhi meri taqdeer ho

Tumhi sitara ho mera

Tumhi nazara ho mera

Yoon dhyan mein mere ho tum

Jaise mujhe ghere ho tum

Purab mein tum, pashchim mein tum

Uttar mein tum, dakshin mein tum

Saare mere jeevan mein tum

Har pal mein tum, har chhin mein tum

Mere liye rasta bhi tum

Mere liye manzil bhi tum

Mere liye sagar bhi tum

Mere liye saahil bhi tum

Main dekhta bas tumko hoon

Main sochta bas tumko hoon

Main jaanta bas tumko hoon

Main maanta bas tumko hoon

Tumhi meri pehchan ho

Kaise bataoon main tumhe

Devi ho tum mere liye

Mere liye bhagwan ho

Kaise bataoon main tumhe

Mere liye tum kaun ho, kaise bataoon…..
— Javed Akhtar

Advertisements
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

historianwraja

Just another WordPress.com site

Musings

A blog by Anindya Dutta

Kuch ajab rang se guzri hai zindagi apni, Dilo pe raaj kia aur muhabbaton se mehroom rahe…

Alig's

Arzoo, Araman, Ishq, Tamanna, Vafa, Mohabbat Chize to achchi hain par daam bahut hain...

Nuzhat Aafreen Ishaq

Individual IT Professional (Dubai-U.A.E)

The WordPress.com Blog

The latest news on WordPress.com and the WordPress community.

Azeem's Blog

Kuch ajab rang se guzri hai zindagi apni, Dilo pe raaj kia aur muhabbaton se mehroom rahe…

%d bloggers like this: